BIBLE CHHIAR CHHUAH
Bial KTP in kum 2018 MLA Election denchhena Bial chhung Branch tinah Bible chhiar chhuah tura a lo rel tawh bawhzuiin Kristian Thalai Pawl, Kawlkulh North Branch te chuan Bible chhiar chhuah Programme ruahmanin kan hmang. Dt. 12th Novermber 2018 zan KTP Inkhawm ban atangin Bible chhiar chhuah Programme hi hman tan a ni a. Branch Leader Pu R. Zoremsangan thuchah tawi sawiin tawngtaina hun a hmang a, Bible chhiar bul a tan nghal bawk a ni.
Chhun lamah nilenga chhiar thin a ni a, zantin zan dar 11 thleng chhiar thin a ni bawk. Member inpe leh remchang apiangten mahni remchan hun ang zelin inchhiar chhawk a ni a, a chhiartu hming leh chhiar zat (bung leh chang) ziaka chhinchhiah zel a ni a, he chhinchhiahna hi nakin zel thlenga en leh theih tura vawn that tlat tur a ni ang.
Pathian hruainain tluang takin hun kan hmang chho zel a, ni 12 chhungin kan chhiar zo thei a, kharna hun Branch Asst. Leader Pu PC Remmuanpuian a hman hnuin Bible chhiar chhuah Programme hi kan hmang zo ta a ni!!!
More Photos:-
Comments
Post a Comment