INKAIHHRUAINA DAN

KTP INHRUAINA DAN



Inkaihhruaina dan i download duh chuan ↓↓





1.     Pawl hming            :    Kristian Thalai Pawl (KTP)
2.    Thupui                    :    Rawngbawl tura chhandam
3.    Thupui innghahna  :    Ephesi 2:10
        “Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni.”
4.    A thil tumte:-: 
       1)    Isua Krista rinna leh amah anna kawnga thalaite hruai.
       2)    Kohhran kutke ni tura thalaite buatsaih.
       3)    Kohhran hnathawh tihpuitlin.
      4)    Krista Chanchin Tha puan darh.

BUNG - I
MEMBER NIHNA LEH DINHMUN


1.    Kristian Thalai Pawla tel turte chu Presbyterian Kohhran mi an ni tur a ni.
2.    Kum 14 atanga 40 thleng, he pawl thiltumte pawma lo tel duh apiangte chu pawl member an ni thei ang.
3.    Branch-in kum tinin an Kohhran  huam chhunga Kohhran in tina lutin pawl member tur, mahni duhna ngeia inpete hming a ziak lut thin ang.
4.    Kohhran dan chhunga awmte chauh he pawl Office Bearer, Committee member leh rawngbawlna pawimawh dang atan hman tur a ni.

BUNG - II
PAWL INDIN DAN

    Kristian Thalai Pawl hi chhawng thum - Branch, Bial leh Central tia then a ni a. A insuihkhawm dan atan chuan a hnuaia tarlan ang hi zui a ni ang.

1.    Branch K.T.P.:-
       1)    Kohhran leh Branch Church tinah Branch pakhat zel a awm thei ang.
       2)    Branch K.T.P. chu Kohhran Committee remtihpuiin din tur a ni a. Branch din fel a nih veleh Bial K.T.P. Committee kaltlangin Central K.T.P.-ah inziah luhtir tur a ni. Hemi rual hian Registration fee Rs. 50/- an pe nghal bawk ang.
       3)    Office Bearer-te chu hengte hi an ni ang :
               i)     Leader                   
               ii)     Assistant Leader 
              iii)     Secretary               
              iv)     Assistant Secretary 
              v)     Treasurer             
             vi)     Finance Secretary
      4)    Branch K.T.P. Committee-a tel turte chu hengte hi an ni ang :
              i)     Office Bearer-te 
             ii)     Committee member atana ruatte 
            iii)     Kohhran committee aiawhte
             iv)     Ex-Officio member-te :
                      a)     Bialtu Pastor leh Pro. Pastor 
                      b)    Branch huam chhunga Central K.T.P. hruaitu tanglaite.
                      c)    Branch huam chhunga Bial K.T.P. Office Bearer tanglaite
      5)     Kohhran Committee-in tul a tih chuan Branch thiah thlengin thu a nei ang.
      6)     Branch K.T.P. Committee-in tul a tih chuan Branch chu Group hrang hrangah a then thei ang.

2.    Bial K.T.P.:-
     1)    Bial tinah Kristian thalaite insuihkhawmna Bial K.T.P. din a ni ang.
     2)    Bial K.T.P. chu Bial Standing Committee remtihpuia din tur a ni a; din fel a nih ve leh Central K.T.P.-ah inziah luhtir tur a ni
    3)     Office Bearer-te chu hengte hi an ni ang :
             i)   Leader             
             ii)  Assistant Leader 
             iii) Secretary         
             iv) Assistant Secretary
             v) Treasurer         
             vi) Finance Secretary
    4)     Bial K.T.P. Committee-a tel turte chu hengte hi an ni ang :
             i)     Office Bearer-te 
             ii)    Committee member atana ruatte 
             iii)   Ex-Officio member-te :
                      a)  Bialtu Pastor leh Pro. Pastor 
                      b)  Bial Inkhawmpui Chairman leh Secretary            
                      c)  Bial huam chhunga Central K.T.P. hruaitu tanglaite
    5)     Bial Standing Committee-in tul a tih chuan Bial K.T.P. thiah thlengin thu a nei ang.

3.    Central K.T.P.:-
       1)     Mizoram Presbyterian Kohhran pum huapa thalaite rawngbawlna ngaihtuahtu Central KT|.P. din a ni ang.
        2)     Office Bearer-te chu hengte hi an ni ang :
                 i)     Leader                 
                ii)     Assistant Leader
                iii)    General Secretary     
                iv)    Assistant Secretary 
                 v)     Treasurer             
                vi)    Finance Secretary
      3)    Central K.T.P. Committee-a tel turte chu hengte hi an ni ang :
               i)      Office Bearer-te 
              ii)      Committee member atana thlante
              iii)     Co-Ordinator/Assistant Co-Ordinator  i/c K.T.P.
               iv)    Ex-Officio member-te
                       a) Synod Moderator 
                       b) Synod Secretary         
                       c) Synod Executive Secretary i/c K.T.P.

BUNG - III
HRUAITUTE THLAN DAN


1.    Branch K.T.P.
       1)    Branch K.T.P. Office Bearer-te chu member-ho inkhawmin kum tin thlan that tur a ni.
       2)    Kohhran Committee-in tul a tih chuan inthlan hmain Leader tur a ruat thei ang.
       3)    Branch K.T.P. Committee-in tul a tih chuan Office Bearer atana thlan awm mite a nominate thei ang.
       4)    Inthlan dan tur chu Kohhran Committee hriatpuiin Branch K.T.P. Committee-in a rel fel thin ang.
       5)    Inthlanna chu post mal malin emaw, a hlawma mi paruk emaw thlan chhuaha tih theih a ni ang.
       6)    Vote inang hmu an awm chuan inthlanpuitute’n tha an tih angin an rel thei ang.
       7)    Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.
       8)    A hlawma mi paruk thlan chhuah an nih chuan inthlan atanga ni sarih (7) ral hmain thlan tharte chuan Kohhran aiawh leh Ex-Officio Member-te kaihhruainain chanvo an invuah tur a ni.
       9)     Committee member turte chu Office Bearer, Kohhran aiawh leh Ex-Officio member-ten tul an tih zat an ruat thin ang a, Bial K.T.P. Committee leh Kohhran Committee a hriattir ang.
      10)   Mi pakhatin a zawnin chanvo ngai kum thum (3) thleng a chelh thei ang.
      11)   Office Bearer leh Committee member-te eng vang pawha an nihna chelh zui thei lova an awm chuan Branch Office Bearer, Kohhran aiawh leh Ex-Officio member ten tha an tih angin an rel thin ang.

2.    Bial K.T.P.
       1)     Bial K.T.P. Office Bearer-te chu Bial K.T.P. Conference-in kum khat (1) chhung tang turin a thlang    thin ang.
       2)     Bial Standing Committee-in tul a tih chuan inthlan hmain Leader tur a ruat thei ang.
       3)     Bial K.T.P. Committee-in tul a  tihchuan Office Bearer atana thlan awm mite a nominate thei ang.
       4)     Bial K.T.P. Committee-in inthlan dan turte a rel fel thin ang a, inthlanpuitu tur tul a tih zat a ruat thin ang.
       5)     Inthlanna chu post mal malin emaw, a hlawma mi paruk emaw thlan chhuaha tih theih a ni ang.
       6)     Vote inang hmu an awm chuan inthlanpuitute’n tha an tih angin an rel thei ang.
       7)     Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.
       8)     A hlawma mi paruk thlan chhuah an nih chuan Bial Conference chhung ngeiin thlan tharte chuan Ex-Officio Member-te kaihhruainain chanvo an invuah tur a ni.
       9)     Committee member turte chu, Office Bearer leh Ex-Officio member-ten tul an tih zat an ruat thin ang.
      10)     Inthlanna neih fel a nih veleh Central K.T.P. leh Bial Standing Committee a hriattir tur a ni.
      11)     Mi pakhatin a zawnin chanvo ngai kum thum (3) thleng a chelh thei ang.
      12)     Office Bearer leh Committee member-te eng vang pawha an nihna chelh zui thei lova an awm chuan Bial K.T.P. Office Bearer leh Ex-Officio member ten tha an tih angin an rel thin ang.

3.    Central K.T.P.
       1)    Leader chu Synod Executive Committee-in kum hnih (2) tang turin a ruat thin ang a, a tul chuan a ngai emaw term hmasa lama Leader lo ni tawh emaw te pawh a ruat nawn thei ang.
       2)     General Secretary chu Synod Co-Ordinator-te zing atangin emaw Ordained Minister-te zing atangin emaw Synod Executive Committee-in a ruat thin ang a, a term chungchang chu Synod Executive Committee kutah a awm ang.
       3)    Inthlanna a awm dawn tum chuan Central Committee-in Committee member atana thlan awm mi, Aizawl khawpui chhung Bial tin atangin pakhat theuh a ruat lawk (nominate) thin ang a, a tul chuan Bial K.T.P. Committee a rawn thei ang.
        Central Committee member atana rawt (nominee)-te chu Bial/ Branch aiawh palaia ruat an nih loh chuan chhimtu anga ngaih an ni ang a, vote an nei lovang.
       4)     Central K.T.P. Committee member turte chu General Conference-in nominate-te zinga mi chu kum hnih (2) chhung tang turin mi sawm pariat (18) a thlang thin ang.
        Central K.T.P. Committee member tur thlannaa inthlanpuitu tur chu Central K.T.P. Committee-in General Conference hmain a ruat lawk thin ang.
       5)    Hruaitu thlan tharte chuan Synod Moderator leh   Ex-Officio member-te kaihhruainain Office Bearer tur General Conference chhung ngeiin an inruat fel ang.
        6)     Office Bearer leh Committee Member-te chu term hnih (2) kum li (4) atan thlan theih an ni ang.
       7)     Central hruaitute eng vang pawha rawngbawlna chelh zui thei lova an awm chuan Central K.T.P. Committee-in tha a tih angin a rel thin ang.

BUNG - IV
COMMITTEE HNATHAWH TUR LEH MAWHPHURHNATE

1.    Branch K.T.P. Committee
       1)     An Branch huam chhunga thalaite leh tleirawlte Krista hnena hruaitu, Kohhran kutke tangkai ni tur leh Pathian thu hriatna lama hmasawnna an neih theih nan rawngbawlna kawng hrang hrang a ngaihtuah thin ang a, a tul dan azirin Bial K.T.P. Committee pawh a rawn thin ang.
       2)     Kum tinin an Branch chanchin Bial K.T.P. Conference-ah an report thin ang.
       3)     Branch-in Central Committee hnenah thu thlen tur a neih chuan Bial Committee kal tlangin a thlen tur a ni.
       4)     Pawisa lamah Branch chu a intodelh tur a ni.
       5)     Anmahni Branch pawn khawih tel programme a nei dawn emaw, a tel dawn emaw a nih chuan Kohhran Committee remtihpuina a la hmasa thin ang a, Bial K.T.P. Committee leh Bialtu Pastor a hriattir thin ang.

2.    Bial K.T.P. Committee
       1)     Bial chhunga Branch tinte kaihhruai leh tihchak dante a ngaihtuah thin ang.
       2)     Branch rawngbawlna chungchangah Bial chhunga rel tur tul awm apiang chu a rel ang a, a tul dan angin Bial Conference pawh a rawn thin ang.
       3)    Bial chhunga Branch hrang hrang thu theh luhte a ngaihtuah thin ang a, a tul chuan Central K.T.P. Committee-ah a thlen thin ang.
       4)    Bial chhunga Branch te rawngbawl dan chanchin Bial Conference-ah a report thin ang.
       5)     Bial Committee hnathawh leh Bial chhunga Branch te rawngbawl dan Central K.T.P.-ah kum tin a report thin ang.
       6)     Pawisa lamah Bial Committee chu intodelh tura beisei a ni a, tul a tih chuan Bial chhunga Branch hrang hrangah thawhlawm a khawn thei ang.
       7)     Bial pawn lam khawih tel programme a huaihawt dawn emaw, a tel emaw a nih chuan Bial Standing

Committee emaw, Bialtu Pastor remtihpuina emaw a la hmasa thin ang a, Central K.T.P.-ah a hriattir thin ang.

3.    Central K.T.P. Committee
       1)     Mizoram Presbyterian Kohhran pum huapa thalaite zinga rawngbawlnaa mawhphurtu ber a ni.
       2)     Ram insingsak dan leh than zel dante leh Kohhran rawngbawlna kal zel thlir chungin, thangtharte huikhawm zawnga rawngbawlna kawng tharte zawngin a ngaihtuah thin ang.
       3)     A remchan ang zelin khawvel pum huapa thalaite programme-a tel leh zau zawka rawngbawlna tur a ngaihtuah ang.
       4)     Tul a tih chuan Bial leh Branch atangin thawhlawm a khawn thei ang.

BUNG - V
CONFERENCE CHUNGCHANG

1.    Bial K.T.P. Conference :
    1)     Bial tinin Bial K.T.P. Conference kum tin vawi khat an nei thin ang.
    2)     Bial K.T.P. Conference-ah hian Branch tin atanga rorel palai intirh tur zat chu Bial K.T.P. Committee-in tul a tih chuan a bithliah thei ang.

2.    K.T.P. General Conference :
    1)     K.T.P. General Conference chu kum khat danah neih a ni ang.
    2)     K.T.P. General Conference-ah hian Branch leh Bial tin atanga rorel palai intirh tur zat chu Central K.T.P. Committee-in tul a tih zat a bithliah thin ang.        
    3)     General Conference thlengtu tur chu Central K.T.P. Committee-in a ruat thin ang.
    4)     General Conference neih loh kumah Rorel Inkhawm neih thin a ni ang.

BUNG VI
TUL DANGTE

1.    Sum Audit:
       Branch, Bial leh Central K.T.P. sum chu Synod Financial Rules-in audit dan tur a sawi angin kum tin audit thin tur a ni.

2.    Inhruaina Dan siam that thu:
        Kristian Thalai Pawl Inhruaina Dan siam that leh tihdanglam thuah chuan Central K.T.P. Committee-in rawtna a siam ang a, Synod Executive Committee-in a pawm hnuah hman a ni ang.

BUNG VII
KTP PRESBYTERY MEET NEIH DAN TUR
[Vide SEC 213:13; 214:11; 2007 Synod Gen. 73;
SEC 217:35; 218:39(A)]

        Kum 2007 Synod General 73 chuan General Conference neih loh kuma Presbytery huapa intawhkhawm neih chu kan rem ti a. SEC-in lo bawhzui rawh se tiin a pe let leh a ni. SEC 217:35 chuan Central K|P Committee-in rawtna siamin SEC-ah rawn thlen leh rawh se, a tih chu CKTP Committee chuan bawhzuiin SEC-ah a thlen leh a. SEC 218:39(A) chuan kum 2009 atanga hman tan turin ruahmanna chu a pawm ta a ni.

1.    A hming:    
       Kristian thalai Pawl ‘Presbytery Meet’ tih a ni ang a, a mawhphur turin ‘Presbytery Meet’ Committee siam a ni ang.

2.    Hruaitu inruat dan:    
       Presbytery Meet Committee-chu Presbytery Standing Committee-in a huam chhunga Bial K.T.P. Office Bearer-te atangin a ruat thin ang.
       1)    Office Bearer:-
              Chairman            : 
              Vice Chairman    : 
               Secretary            : 
               Asst. Secretary   :
               Treasurer            : 
               Fin. Secretary    : 
    
      2)    Committee Member:-
              Committee Member-te chu Office Bearer leh Ex-Officio te’n tul an tih zat an ruat thin ang.

      3)    Ex-Officio : 
              a)    Presbytery Moderator leh Secretary (Sr.)
              b)    Bialtu Pastor leh Pro. Pastor-te
              c)    A huam chhunga Central K.T.P. Committee Member-te

3.    Committee hnathawh tur leh mawhphurhnate :
       1)    General Conference neih loh kumah meet tum khat a buatsaih thin ang.
       2)    Meet neih dan tur rel leh ngaihtuah bak chu rorel tura ngaih a ni lo.
       3)    Meet neihna hmun leh hun chu an remchan ang theuhvin an ruat thin ang.
       4)    Meet senso tur a theih angin a ngaihtuah ang a, a huam chhunga Bial leh Branch-te tum tur a tul angin a ruahman thin ang. Sum sen hautak lo thei angin ruahman ni se.
       5)    Central K.T.P.-a inkhaikhawmna leh inthlunzawmna dip leh hliah tur zawngin hma lak tur a ni lovang.
       6)    Minute-bu leh Account-bu fel takin a vawngin a enkawl ang a, meet neih zawhah Presbytery Secretary hnenah thehluh thin tur a ni.
       7)    Meet Committee sum chu audit thin tur a ni.

4.    Hruaitu term: 
       Meet Committee ruat a nih atanga Meet neih zawh thleng a ni ang.


Go to Home Page

..............
...............................
..............


Comments

EN HLAWH BER